75. fundur 3. mars 2010
FUNDARGERÐ
75. fundur
Sveitarfélagsins Garðs
Fundur haldinn í bæjarstjórn Garðs, miðvikudaginn 3.mars í fundarsal Bæjarskrifstofu Garðs, Sunnubraut 4.
Mætt eru: Laufey Erlendsdóttir,forseti bæjarstjórnar, Oddný Harðardóttir, Þorbjörg Bergsdóttir, Brynja Kristjánsdóttir, Einar Jón Pálsson, Ágústa Ásgeirsdóttir, Ingimundur Þ.Guðnason og Ásmundur Friðriksson bæjarstjóri
Halla Þórhallsdóttir ritar fundargerð.
Forseti bæjarstjórnar setti fundinn kl. 17:30
1. mál Þriggja ára áætlun – síðari umræða
Greinargerð bæjarstjóra:
Í þriggja ára áætlun er gert ráð fyrir því að sjáist fyrir endan á óvissu í atvinnumálum og uppbyggingu atvinnutækifæra á Suðurnesjum.
Gert er ráð fyrir tekjum af uppbyggingu Álvers í Garði og skatttekjur aukist um 70 millj. kr. á ári vegna aukinna umsvifa í tengslum við uppbygginguna. Þá er gert ráð fyrir 1,5% íbúafjölgun.
Gert er ráð fyrir lækkun jöfnunarsjóðsframlaga vegna aukningar á öðrum skatttekjum.
Almennar hækkanir annarra tekna eru áætlaðar 2% á ári.
Kostnaðarhækkanir eru áætlaðar á tímabilinu um 2% á ári.Gert er ráð fyrir aukningu við kostnað á leikskóla á árinu 2013 vegna fjölgunar deilda í leikskólanum.
Annar rekstrarkostnaður dregst saman á milli áranna 2010 og 2011 vegna styrks til Útskálasóknar á árinu 2010.
Afskriftir eru áætlaðar í samræmi við viðkomandi fjárfestingar.
Raunvextir Framtíðarsjóðs eru áætlaðir um 4,5% eða u.þ.b. 62 milljónir á ári.
Vaxtagjöld vegna langtímaskulda eru áætluð í samræmi við lánasamninga í árslok 2009.
Fjárfestingar ársins 2011 eru að fjárhæð 79,9 millj. kr. og greinast þannig:
Leikskóli stækkun – uppsteypa 5. og 6. deild 10,0 millj.
Íþróttahús – hönnun 2. hæð 8,0 millj.
Grunnskóli – flutningur tónslistarskóla 27,0 millj.
Gatnagerð – hringtorg við skóla 17,0 millj.
Sæborg – bílaplan 5,9 millj.
Gatnagerð – ýmis verkefni 7,0 millj.
Hjóla- og göngustígar – ýmis verkefni 5,0 millj.
Fjárfestingar ársins 2012 eru að fjárhæð 77,0 millj. kr. og greinast þannig:
Leikskóli stækkun – 5. deild kláruð 50,0 millj.
Íþróttahús – 2. hæð 14,0 millj.
Gatnagerð – ýmis verkefni 7,0 millj.
Hjóla- og göngustígar – ýmis verkefni 6,0 millj.
Fjárfestingar ársins 2013 eru að fjárhæð 71,5 millj. kr. og greinast þannig:
Leikskóli stækkun – 6. deild kláruð 40,0 millj.
Gatnagerð – Iðngarðar og Ártún 24,5 millj.
Gatnagerð – ýmis verkefni 7,0 millj.
Gert er ráð fyrir að aðhaldi sé gætt í rekstri sem áður, vörður verði staðinn um grunnþjónustu við íbúa og jafnframt verði mögulegt að viðhalda sérstakri viðbótarþjónustu við foreldra ungra barna.
Þriggja ára áætlun 2011-2013 samþykkt með 4 atkvæðum N-lista.
2. mál Fundargerð 124. fundar bæjarráðs frá 24. febrúar 2010
Samþykkt samhljóða
3. mál Fundargerð 32. fundar Sambands Sveitarfélaga á Suðurnesjum
Lögð fram
4. mál Ósk um ferðastyrk vegna námsferðar.
Laufey Erlendsdóttir og Einar Jón Pálsson sitja hjá við afgreiðslu á þessum lið vegna vanhæfis.
Óskað er eftir ferðastyrk að upphæð 20.000.- kr. á hvern þátttakanda í ferðinni, sem eru alls 24. Tilgangur ferðarinnar er að kynnast útikennslu og fjölbreytni og nýbreytni í skólastarfi í Danmörku dagana 5. – 9. júní 2010.
Lagt er til að bæjarstjórn samþykki að styrkja hvern kennara um 20.000.- kr. eða alls kr. 480.000.- og verður fjárhæðin tekin af liðnum 04211 – 4923 Námskeið og skólagjöld.
Samþykkt með 5 atkvæðum.
Fleira ekki gert og fundi slitið kl.18:10
Til baka
|
|